Category Archives: వ్యాసం

శేషాచలం-శ్రీవేంకటేశ్వరుడు కొలువైన తిరుమల లోయ. ఔషధవనాలుండే అందమైన కొండ. అన్నమయ్య ఆడి పాడి తిరుగులాడిన ప్రదేశం. కానీ, ఇప్పుడిది ‘ఎర్ర’దొంగల రాజ్యం. ప్రపంచంలోనే అరుదైన, అద్భుతమైన ఎర్రచందనం మహావృక్షాలు తెగనరికి దోచుకునే దుర్మార్గులు నడయాడే చోటు. లక్ష కోట్ల విలువైన ‘ఎర్ర’బంగారం కొండ దాటించిన దొంగలు, దాడులకీ, హత్యలకీ కూడా తెగబడుతున్న నేల. ‘కౌంటర్‌’లూ ‘ఎన్‌కౌంటర్‌’లతో ‘ఎర్ర’బీభత్స ప్రదేశంగా తరచూ వార్తలకెక్కుతున్న శేషాచలం నిజానికి ఒక అందచందాల అడవి. వాగులు వంకల వయ్యారాలతో ఎన్నో తీర్ధాలున్న చల్లని కొండ. మార్మిక సౌందర్యం స్వాగతించే ఆకుపచ్చలోయ. వందల ఏళ్ళుగా ఈ కొండకోనలు ఎందరో యోగులకు ఆవాసాలయ్యాయి. ఈ చెట్లూ పుట్టల వెంటబడి నడిచి తీర్ధాలకు చేరుకున్న వారికి ఇప్పటికీ ఎన్నో అనుభూతులనిస్తున్నాయి. భక్తులకు పుణ్యాన్నీ, అడవి ఆరాధకులకు సౌందర్యానుభూతినీ మిగులుసున్నాయి. నెత్తుటి మరకల లోయగా ముద్రపడ్డ తిరుమల అడవుల్లోకి సాగిన అందమైన యాత్రపై అనుభూతి కథనం…. చదవడం కొనసాగించండి →

మా ఊరంటే ఎంత ఇష్టమో, పండగలన్నా అంతే ఇష్టం నాకు. ఉద్యోగంలో ఎంత వత్తిడి ఉన్నా, సర్దుబాటు చేసుకునో, ఎగ్గొట్టో ప్రతి పండక్కీ ఊరికి పరిగెత్తుతూ ఉంటాను. మరీ సంక్రాంతి రోజుల్లో ఊళ్లో గడపడం..గొప్ప హాయినీ, శక్తినీ యిస్తుంది. అయితే, మూడేళ్ళుగా పండగలు గాయాలే మిగిల్చాయి. ప్రతి గాయాన్నీ బింకంగా సవాల్ చేయడానికే ప్రయత్నించాను. ఊరంటే … చదవడం కొనసాగించండి →

మొగల్తూరు అనగానే టక్కున చిరంజీవి గుర్తొస్తాడు. అరే, కృష్ణంరాజుదీ అదే ఊరు కదా అనుకుంటాం. ఈ సినిమా వ్యవహారం పట్టని పాత తరం వాళ్ళయితే, బారిష్టర్‌ పార్వతీశంని గుర్తు చేసుకుంటారు. ఈ ముగ్గురూ కాకుండా నాలుగో హీరోని ఇప్పుడు పరిచయం చేస్తున్నాం. పేరు ఎంవైఎస్‌ ప్రసాద్‌. శ్రీహరికోట రాకెట్‌ ప్రయోగ కేంద్రం డైరెక్టర్‌. అంతరిక్ష శాస్త్రవేత్తగా అంతర్జాతీయ ఖ్యాతి గడించినవాడు. పాతిక దేశాలు తిరిగినవాడు. ఐక్యరాజ్య సమితిలో భారత దేశపు అంతరిక్ష స్వరాన్ని పదకొండేళ్ళ పాటు వినిపించినవాడు. ఉపగ్రహాన్ని మోసుకుని మన నేల మీద నుంచీ ఎగిరిన తొలి రాకెట్టు ఎస్‌ఎల్‌వీ నుంచీ నిన్నటి పీఎస్‌ఎల్‌వీ-సి20 దాకా ప్రతి ప్రయోగంలోనూ భాగం అయినవాడు. మన దేశపు ఖ్యాతిని అంతరిక్షంలో రెపరెపలాడిస్తున్న శాస్త్రవేత్త ప్రసాద్‌ పుట్టి పెరిగింది పశ్చిమ గోదావరి జిల్లా మొగల్తూరులో. ప్రసాద్‌ మొగల్తూరు జ్ఙాపకాలే ఈ వారం మా ఊరు.. చదవడం కొనసాగించండి →

కూలింది ప్రస్తుతం శ్రీకాళహస్తి గోపురమే కావచ్చు, కూలడానికి మన రాష్ట్రంలో మరెన్ని సిద్ధంగా ఉన్నాయి? కనీసం వీటినైనా కాపుడుకోగలమా? ఇందుకోసం ఒక ప్రయత్నాన్ని శ్రీకాళహస్తి సాక్షిగా అయినా ప్రారంభించకపోతే చరిత్ర మనల్ని ఎన్నటికీ క్షమించదు. ఇందుకోసం మన ప్రభువులకు కావలసింది ప్రాచీన స్పృహ. పురా సంపదను కాపాడుకోవాలనే చిత్తశుద్ధి. చదవడం కొనసాగించండి →

ఏమైంది వంగపండు కి? ఏమైంది వేణుకి? ఏమైంది ఖదీర్ కి , వనజ కి , కొణతం దిలీప్ కి ? ఎక్కడ మునిగి , ఎక్కడ తేలారు ? తేలారా, మునిగారా ? ఓహ్ , ఎటువంటి కాలం ఇది .. ఎంత వింత దృశ్యాలని కనుల ముందు వుంచుతోంది.. అడవులు, అమరత్వము, వెన్నెలా, … చదవడం కొనసాగించండి →

-నేను వూరికే పై పైన మాట్లాడ్డంలా. వీళ్ళందర్నీ నేను చదివినాక , రెక్కల కష్టం చేసిన వాడిగా నాకు అర్తమైంది ఏమంటే.. వీళ్ళెవురూ రైతులగురించి నిజం రాయలేదు. రైతుల మింద కతలల్లారు నా బిడ్డల మింద ప్రమాణం చేసి చెబుతున్నా.. ఈ రచయితలంతా రైతుల్ని, రైతుల భార్యల్ని, రైతుల బిడ్డల్ని హింసలు పెట్టారు.. అంతా జూటా రాతలు.. దాసరి నారాయణరావు దర్శకత్వం టైపు. ఇంకా చెప్పాలంటే ,-కళా తపస్వి- విశ్వనాధ్‌ టైపు చదవడం కొనసాగించండి →